លោក អេម ពៅ អនុប្រធានសមាគមសម្ព័ន្ធសារព័ត៌មានឯករាជ្យ ខេត្តបន្ទាយមានជ័យនិង ព្រះគ្រូថៅអធិការវត្តអូរខៃដនព្រះនាម ណយ ណេតប្រធានសាខាសមាគមសម្ពន្ទ័ សារព័ត៌មានឯករាជ្យក្រុងប៉ោយប៉ែតបាននាំ យកអំណោយ ឯកឧត្តមបណ្ឌិត ស សុខា និងលោកជំទាវ ជូនប្រពជាលរដ្ឋ ១០៨គ្រួសារ នៅស្រុកម៉ាឡៃ !!!!!

លោក អេម ពៅ អនុប្រធានសមាគមសម្ព័ន្ធសារព័ត៌មានឯករាជ្យ ខេត្តបន្ទាយមានជ័យនិង ព្រះគ្រូថៅអធិការវត្តអូរខៃដនព្រះនាម ណយ ណេតប្រធានសាខាសមាគមសម្ពន្ទ័ សារព័ត៌មានឯករាជ្យក្រុងប៉ោយប៉ែតបាននាំ យកអំណោយ ឯកឧត្តមបណ្ឌិត ស សុខា និងលោកជំទាវ ជូនប្រពជាលរដ្ឋ ១០៨គ្រួសារ នៅស្រុកម៉ាឡៃ !!!!!

ដោយ ៖ លោក ម៉ង់ ចន្នី
ចេញផ្សាយថ្ងៃ អាទិត្យ ៣ កើត ខែ ស្រាពណ៍ឆ្នាំថោះ បញ្ចស័ក ពុទ្ទសក័រាជ ២៥៦៧ ត្រូវនឹងថ្ងៃទី ២០ ខែសីហា ឆ្នាំ២០២៣

ខេត្តបន្ទាយមានជ័យ ៖

នៅរសៀលថ្ងៃទី២០ ខែសីហា ឆ្នាំ២០២៣ នេះ លោក អេម ពៅ អនុប្រធានសមាគមសម្ព័ន្ធសារព័ត៌មានឯករាជ្យ ខេត្តបន្ទាយមានជ័យ ជាតំណាងលោក សៅ សំរិត ប្រធានសមាគមសម្ព័ន្ធសារព័ត៌មានឯករាជ្យ ខេត្តបន្ទាយមានជ័យ និងព្រះគ្រូថៅអធិការវត្តអូរខៃដនព្រះនាម ណយ ណេតប្រធានសាខាសមាគមសម្ពន្ទ័ សារព័ត៌មាន ឯករាជ្យ ក្រុងប៉ោយប៉ែតនិង ក្រុមការងារ បាននាំយកអំណោយរបស់ឯកឧត្តមបណ្ឌិត ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានកិត្តិយសសមាគមសម្ព័ន្ធសារព័ត៌មានឯករាជ្យ (អាយប៉ា) និងលោកជំទាវ កែ សួនសុភី ប្រគល់ជូនប្រជាពលរដ្ឋដែលជួបការលំបាកផ្នែកជីវភាព ចំនួន ១០៨គ្រួសារ រស់នៅភូមិអូរល្ហុង និងភូមិថ្មី ក្នុងឃុំទួលពង្រ ស្រុកម៉ាឡៃ។

នៅក្នុងកម្មវិធីដ៍វិសេសវិសាលនេះ ក៍មានការចូលរួមពី លោក អឹង សីណាត អភិបាលរងស្រុកម៉ាឡៃ , លោកមេឃុំទួលពង្រ និង មន្ត្រីរាជការ អ្នកសារព័ត៌មានជាច្រើន នាក់ ចូលរួមផងដែរ។ លោក អេម ពៅ អនុប្រធានសមាគមសម្ព័ន្ធសារព័ត៌មានឯករាជ្យ ខេត្តបន្ទាយមានជ័យ បានមានប្រសាសន៍ថា នៅក្នុងឪកាសនេះ ឯកឧត្តមបណ្ឌិត ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានកិត្តិយសសមាគមសម្ព័ន្ធសារព័ត៌មានឯករាជ្យ (អាយប៉ា) និងលោកជំទាវ កែ សួនសុភី បានផ្ដាំផ្ញើរ ការនឹករលឹក និងសួរសុខទុក្ខ ដល់បងប្អូនយើងទាំងអស់គ្នា ផងដែរ។ លោកអេម ពៅ ក៍បានថ្លែងអំណរព្រះគុណ ដល់ព្រះគ្រូថៅអធិការវត្តអូរខៃដនព្រះនាម ណយ ណេតប្រធានសាខាសមាគមសម្ពន្ទ័ សារព័ត៌មាន ឯករាជ្យ ក្រុងប៉ោយប៉ែត និងក្រុមការងារ រួមទាំងសប្បុរសជនទាំងអស់ ដែល បានចូលរួម ជួយដល់បងប្អូនប្រជាពលរដ្ឋ ទាំងប្រាំបី ភូមិ នៅឃុំទួលពង្រនាពេលនេះ។

អំណោយរបស់ឯកឧត្តមបណ្ឌិត ស សុខា និងលោកជំទាវ កែ សួនសុភី ដែលលោក អេម ពៅ និងក្រុមការងារ បានប្រគល់ជូនប្រជាពលរដ្ឋទាំង ១០៨គ្រួសារ នាឱកាសនោះ ក្នុង ១គ្រួសារៗទទួលបាន ៖ អង្ករ ចំនួន ១៥គីឡូក្រាម មី ចំនួន ១កេស ត្រីខកំប៉ុង ចំនួន ១យួរ ពងមាន់ ចំនួន ១ជង់ ទឹកត្រី ចំនួន ១ដប ប្រេងឆា ចំនួន ១ដប ស្ករស ចំនួន ១គីឡូក្រាម អំបិល ចំនួន ១គីឡូក្រាម និងថវិកា ចំនួន ២ម៉ឺនរៀល៕

ដោយះ គេហទំព័រ Bunthorn News