ខេត្តបន្ទាយមានជ័យ៖ដំណើរសង្រ្កាន្តបន្ទាយមានជ័យ រយៈពេល៤ថ្ងៃ ដែលបានប្រារព្ធធ្វើឡើងនៅ សួនតេជោ ឈ្នះ ឈ្នះ ក្នុងក្រុងសិរីសោភ័ណ ដែលមានបងប្អូន មកចូលរួម កម្សាន្តសប្បាយយ៉ាង ច្រើនកុះករ ក្នុង ឱកាសបុណ្យចូលឆ្នាំថ្មីឆ្នាំម្សាញ់ ព.ស ២៥៦៩ គ.ស២០២៥ដោយមានការប៉ាន់ប្រម៉ាណប្រហែល ១លាននាក់។ ហើយត្រូវបានបិទបញ្ចប់ នៅថ្ងៃទី១៧ ក្រោមអធិបតីភាព ឯកឧត្តម អ៊ុំ រាត្រី និង លោកជំទាវ។ ឯកឧត្តម អុំ រាត្រី បានមានប្រសាសន៍ថា រយៈពេល ៤ថ្ងៃកន្លងមកនេះ ឃើញថា បងប្អូនមកកម្សាន្តសប្បាយរីករាយយ៉ាងក្រៃលែង ក្រោមម្លប់នៃ សុខសន្តិភាព។ ឯកឧត្តមបន្តថា ក្រៅពីល្បែងប្រជាប្រិយ ក៏មានការរាំលែង រួមជាមួយ ការបាញ់ទឹក ពពុះសាប៊ូ ប៉ាតម្សៅ ដោយក្រមសីលធម៍ មិនប៉ះពាល់ទាស់ទែងអ្វីឡើយ។ ពិសេសជាងនេះទៀយ ក៍មានការចូលរួម សហការពី ក្រុមហ៊ុនSmart និងបានអញ្ជើញ តារាល្បីៗ មកសំដែង កម្សាន្តផងដែរ។
ក្នុងឱកាសនោះផងដែរ រដ្ឋបាលខេត្តបន្ទាយមានជ័យ សូមកោតសសើរ និងអរគុណយ៉ាងជ្រាលជ្រៅ ចំពោះ កងកម្លាំងទាំអស់ ក្នុងការជួយកាពារ រក្សា សណ្ដាប់ធ្នាប់ បានយ៉ាងប្រសើរក្នុង កម្មវិធីផងដែរ។ ហើយនាឆ្នាំ២០២៦ រដ្ឋបាលខេត្ត នឹងខិតខំអោយ សង្រ្កាន្តបន្ទាយមានជ័យកាន់តែ សប្បាយរីករាយ អធិកអធមជាងនេះទៀត។
ឯកឧត្តម សូមគោរពប្រគេនជូនពរ ចំពោះព្រះសង្ឃ កងកម្លាំង មន្ត្រីរាជការ ក៏ដូចជាបងប្អូន ប្រជាពលរដ្ឋទាំងអស់ សូមទទួលបាននូវសុខភាពល្អ បរិបូរណ៍ អាយុយឺនយូរ រកទទួលទាន មានបានគ្រប់ៗគ្នា សម្រេចកិច្ចការអ្វី ដូចបំណងប្រាថ្នាផងចុះ៕
