បន្ទាយមានជ័យ ៖លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី២៧ ខែកុម្ភៈ ឆ្នាំ២០២៤ បានចាត់តាំងលោកឧត្ដមសេនីយ៍ ត្រី វង្ស វិត ស្នងការរង ផែនការងារធនធានមនុស្ស និងសហការីចូលរួមគោរពវិញ្ញាណក្ខន្ធ និងនាំយកថវិកាសរុបចំនួន៩.០៤៥.០០០រៀលក្នុងនោះថវិកាសមាគមមិត្តនគបាលជាតិកម្ពុជាចំនួន ៦លានរៀល និងថវិកា ចូលរួមរបស់កម្លាំងវរសេនាតូចនគរបាល ការពារព្រំដែនគោក លេខ៩១១ចំនួន ៣.០៤៥.០០០រៀលប្រគល់ ជូនក្រុមគ្រួសារសព លោកអនុសេនីយ៍ឯក មុំ សុី ថា មន្រ្ដីប៉ុស្តិ៍នគរបាល ការពារព្រំដែនប្ញទ្ធីសែន នៃវរសេនាតូច នគរបាលការពារ ព្រំដែនគោកលេខ ៩១១បាន ទទួលមរណភាព នៅថ្ងៃទី២៦ ខែកុម្ភៈ ឆ្នាំ២០២៤វេលាម៉ោង ០៥និង០០នាទីព្រឹក ដោយរោគាពាធ ក្នុងជន្មាយុ ៥៣ឆ្នាំ ។
សពត្រូវបានក្រុមគ្រួសាររៀបចំធ្វើបុណ្យតាមប្រពៃណី នៅគេហដ្ឋាន នៃសព ស្ថិតនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
ថ្លែងក្នុងឱកាសដ៏ក្រៀមក្រំនោះ លោកឧត្តមសេនីយ៍ត្រី វង្ស វិត ស្នងការរងផែនការងារធនធានមនុស្សបានពាំនាំកាចូលរួមរំលែកទុក្ខ ពីសំណាក់លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ និងរូបលោកផ្ទាល់ចូលរួមសោកស្តាយយ៉ាងក្រៃលែងជាមួយក្រុមគ្រួសារសព ដែលបាត់បង់ប្តី ឪពុក ជាទីគោរពស្រឡាញ់ ៕
