(បន្ទាយមានជ័យ)៖សូមចូលរួមសហការគ្នាក្នុងភូមិ និងអជ្ញាធរភូមិ ឃុំ រក្សាដីចំណីផ្លូវ សម្រាប់អភិវឌ្ឍផ្លូវឱ្យធំទូលាយ ស្អាត ប្រឡាយ ទឹកដោះទឹកក្នុងភូមិ នៅពេលអនាគត ជាប្រយោជន៍ដល់កូនចៅយើង ប្រទេសជាតិ និងជាតិសាសន៍យើង ទាំងងមូល។លោក ទូច ស៊ីផាត អគ្គនាយករង រដ្ឋបាល និងហិរញ្ញវត្ថុ និងជាប្រធានគ្រប់គ្រងគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្ម (SAAMBAT) មានប្រសាសន៍បែបនេះក្នុងកិច្ចប្រជុំជាមួយអាជ្ញាធរពាក់ព័ន្ធ និងប្រជាពលរដ្ឋទទួលផលស្ដីពីការសាងសង់ផ្លូវជនបទ គម្រោងគាំទ្រនិរន្តរភាពហេដ្ឋារចនាសម្ព័ន្ធជនបទដើម្បីទីផ្សារកសិករ ហ្នឹងពាណិជ្ជូបនីយកម្ម(SAAMBAT) ក្រសួងអភិវឌ្ឍន៍ជនបទ ដោយមានការចូលរួមពីលោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ លោក ហោ ញ៉េប នាយករងរដ្ឋបាលខេត្ត និងតំណាងស្រុក ឃុំ ភូមិ បងប្អូនប្រជាពលរដ្ឋ ព្រមទាំងមន្ត្រីនៃអង្គភាពគ្រប់គ្រងគម្រោង និងទីប្រឹក្សាគម្រោង តំណាងក្រុមហ៊ុនសាងសាង៖ក្រុមហ៊ុនបេងម៉េង ក្រុមហ៊ុនរចនាប្លង់ និងត្រួតពិនិត្យបច្ចេកទេសសាងសង់ (SP1) ប្រជុំនេះធ្វើនៅបរិវេណវត្តប្រាសាទស្រះកណ្ដាល(ខ្ចាស់) នាថ្ងៃទី៦ ខែកុម្ភៈ ឆ្នាំ២០២៥។
លោក ជា យុទ្ធារុណ បានមានប្រសាសន៍លើកឡើងថា៖កិច្ចប្រជុំនេះពិតជាមានសារៈសំខាន់ជាខ្លាំង ដែលភាគីពាក់ព័ន្ធគ្រប់លំដាប់ថ្នាក់បានមកចូលរួម ព្រោះនេះគឺជាឱកាសមួយដែលយើងទាំងអស់គ្នាអាច ពិភាក្សាអំពីកិច្ចការមួយចំនួនដើម្បីត្រៀមអនុវត្តនៅពេលដែលគមម្រោងផ្លូវពីរខ្សែនេះចាប់ផ្តើមដំណើរការបើក ការដ្ឋាននាពេលដ៏ខ្លីខាងមុខ។
ជាមួយនឹងឱកាសដ័វិសេសវិសាលនេះលោក ទូច ស៊ីផាត បានពាំនាំការសាក់សួរសុខទុក្ខ និងពរសព្វសាធុការរបស់សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី នៃព្រះរាជាណាចក្រកម្ពុជា និង ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ជូនដល់ លោក លោកស្រី អាជ្ញាធរគ្រប់លំដាប់ថ្នាក់ និងប្រជាពលរដ្ឋទទួលផលទាំងអស់ សូមមានសុខភាពល្អ និងសុភមង្គល ក្នុងគ្រួសារ។
លោក ទូច ស៊ីផាត បានមានប្រសាសន៍បញ្ជាក់ទៀតថា៖គោលបំណងសំខាន់ នៃកិច្ចប្រជុំនាពេលនេះគឺ..១.ផ្សព្វផ្សាយពីការដំណើរការ និងបទដ្ឋានបច្ចេកទេសសាងសង់ផ្លូវរបស់គម្រោង។២.ស្នើឱ្យអាជ្ញាធរពាក់ព័ន្ធ វិស័យឯកជន និងប្រជាពលរដ្ឋ ចូលរួមសហការក្នុងពេលនៅក្រោយពេលសាងសង់ផ្លូវ ដើម្បីឱ្យការងារសាងសង់បានទាន់ពេលវេលា និង មានគុណភាពល្អ ប្រើប្រាស់បានយូរ ដែលជាប្រយោជន៍សម្រាប់ប្រជាពលរដ្ឋនៅក្នុងមូលដ្ឋាន ក៏ដូចជាប្រទេសជាតិទាំងមូល។ ជាពិសេសគម្រោង SAAMBATនេះមានគោលដៅកាត់បន្ថយភាពក្រីក្រ និងលើកកម្ពស់សន្តិសុខស្បៀង នៅ ក្នុងប្រទេសកម្ពុជា តាមរយៈអភិវឌ្ឍន៍ ហេដ្ឋារចនា សម្ព័ន្ធជនបទរួម មាន៖ ស្ថាបនាផ្លូវកៅស៊ូពីរជាន់និងបេតុង កែលម្អ ផ្សារ ជនបទ កសាងទីកន្លែង ប្រមូល ផ្តុំកសិផល និងកំពង់ដរសហគមន៍។
ទន្ទឹមគ្នានេះលោក ទូច ស៊ីផាត សំណូមពរដល់បងប្អូនប្រជាពលរដ្ឋទាំងអស់ ដែលរស់នៅសងខាងផ្លូវសូមចូលរួមថែរក្សាសមិទ្ធផល ដែលទទួលបា នថ្មី នេះ តាមរយៈការសម្អាតបរិស្ថានតាមដងផ្លូវកុំឱ្យមានដក់ទឹក ស្ទះទឹកតាមប្រ ឡា យ ឬចង្អូរទឹក នៅ សង ខាងផ្លូវ។ជាពិសេសសូមចូលរួមផ្តល់ដីចំណីផ្លូវ ដើម្បីសាងសង់ផ្លូវឱ្យល្អ មានសោភណ្ឌភាព និងប្រើប្រាស់រួមនៅក្នុងភូមិ ឃុំរបស់យើងទាំងអស់គ្នាបានយូរអង្វែង៕
